Një 15-vjeçar ka mbetur i plagosur nga një sulm me thikë prej një 28-vjeçari.
Siç njoftohet nga policia shqiptare, i mituri ka marrë trajtimin e duhur në spital dhe është jashtë rrezikut për jetë.
Ndërkohë, 28-vjeçari që ka kryer veprën penale është arrestuar nga policia dhe gjatë kontrollit fizik, policia ka gjetur e sekuestruar një sasi lënde narkotike cannabis sativa./FolDrejt/
Njoftimi i plotë nga policia:
“Specialistët për Hetimin e Krimeve të Komisariatit të Policisë Nr. 2 arrestuan shtetasin K. M., 28 vjeç, banues në Tiranë, pasi ka goditur me mjet presës, për motive të dobëta, një shtetas 15 vjeç, i cili ndodhet jashtë rrezikut për jetën. Gjatë kontrollit fizik, 28-vjeçarit iu gjet dhe iu sekuestrua, në cilësinë e provës materiale, një sasi lënde e dyshuar narkotike cannabis sativa.”