Presidenti amerikan Donald Trump dhe dhëndri i tij Jared Kushner kanë përpiluar një plan për kufizimin e emigracionit në SHBA, që sipas tyre kufizon punësimin e forcës së re punëtore. Në fakt bëhet fjalë për një emigracion më të mirë vetëm me të bardhët? Por si do arrihet kjo?, shkruan fillimisht magazina më e madhe e kulturës politike në Gjermani, Cicero.de.
Një ndër premtimet me të cilat mbase edhe fitoi zgjedhjet Trump-i, ishte kufizimi i numrit të emigrantëve në SHBA dhe mbyllja e kufirit me Meksikën. Kur afrohemi te zgjedhjet presidenciale, tashmë republikanët mundohen të zbatojnë një plan rreth emigrimit, ku preferohen të rinjtë e arsimuar dhe kualifikuar, përcjell foldrejt.com. Por me planin e ri kufizohet ndjeshëm “bashkimi familjar” – ashtu siç përfituan familjarët e zonjës së parë Melania Trump.
Lotaria Greencard ose siç quhet zyrtarisht, Diversity Visa Lottery do zhbëhet totalisht. Sipas planit të ri Trump/Kushner bëhet fjalë për emigrantë “pro amerikanë dhe pro punëtorë”. Plani nuk është i ngjashëm me atë të Kanadasë, por një vizë H1B, e cila ju mundëson të qëndroni tre vjet në SHBA dhe më pas kap kushtin për t’u kualifikuar për një Greencard.
Por nga viti i kaluar, përmes kësaj metode janë bërë amerikanë vetëm 12 përqind, pasi shumica kanë përfituar nga bashkimi familjar, diçka që administrata e re amerikane kërkon ta përmbysë.
Historiku i emigrimeve në SHBA
Edhe demokratët edhe republikanët janë të një mendimi se sistemi i emigracionit në SHBA duhet të ndryshojë – por ata nuk arrijnë të merren vesh për një ligj të përbashkët. Në fakt SHBA, e cila njihet si ëndrra e premtuar e shumë emigrantëve, ka ndryshuar disa në vijimësi ligjet e emigrimit.
Barack Obama, ashtu si Ronald Reagan, kërkonte që fëmijët ilegalë në SHBA të pajisen me nënshtetësi, por kjo u bllokua nga republikanët. Prej kërkesës së Obamës do përfitonin 10 deri 20 milionë banorë – kryesisht meksikanë.
Mbështetësit e Trump kërkojnë që jo vetëm të mos u jepet hispanikëve nënshtetësia amerikane, por edhe të reduktohet maksimalisht numri i emigrantëve nga Hondurasi, Guatemala, Kosta Rika dhe Meksika, që tani numërojnë 60 milionë banorë në SHBA. Shumica e hispanikëve janë vendosur në shtetet që SHBA fitoi me luftë gjatë shekullit të 19-të kundër meksikanëve katolikë – jugperëndimi i vendit. Tashmë në qytetet amerikane si El Paso, San Diego dhe San Antonio tashmë hispanikët janë rreth 80 përqind.
SHBA duhet të bëhet e bardhë
Për shkak se shumica e meksikanëve janë me origjinë acteke, ata nuk llogariten si të bardhë. Por qëllimi historik i shumë ligjeve amerikane rreth emigracionit kanë qenë dy: SHBA të popullohet me njerëz të bardhë dhe emigrantët më të mirë të sillen drejt vendit.
Nga 1924 deri më sot
Deri në 1924, emigrantët vërtet e kanë pasur shumë lehtë të vendosen dhe përshtaten në SHBA.
Me rregullimin e Immigration Act nga 1924, atëkohë Kongresi zbatoi një ligj që si arsye e kishte uljen e ‘ardhacakëve’ nga italia, sllavëve dhe hebrenjve. Më shumë u jepej përparësi protestantëve të Europës veriore. Për këtë u vendosën kuota etnike, ku duhej të rruhej “homogjiniteti amerikan”.
Në fakt me këtë ligj u reduktua shumë numri i hebrenjve nga Rusia – prej 100 mijë në vetëm 5 mijë.
Emigrantëve nga Azia, me përjashtim të kolonisë amerikane Filipinet, u ishte ndaluar hyrja në SHBA. Bile shumica e kinezëve që kishin ardhur në SHBA për të ndërtuar hekurudhat në 1882, u dëbuan pas 1924.
Bashkimi familjar si morrë sherri mes republikanëve dhe demokratëve
Pas Luftës së Dytë Botërore, u aplikua McCarran-Walter-Act (1952), që lejonte vetëm një sasi të vogël të emigrantëve nga Azia. Megjithatë, gjatë Luftës së Ftohtë, përsëri SHBA mundohej të shmangte emigrimin e komunistëve, anarkistëve, homoseksualëve, prostitutkave dhe pijanecëve. Në vend të tyre filluan të kërkohen personat e kualifikuar.
Me marrëveshjen e Hart-Celler-Act (1965), vendi amerikan u hap më shumë ndaj Azisë dhe Amerikës Jugore (Latine). Politikanët nga këto shtete, shumë sosh aleate me SHBA, flisnin shpesh për kuota raciste.
Në këtë kohë u shtuan vizat e punës, por shmangej bashkimi familjar me kërkesë të republikanëve. Atëkohë shumica e amerikanëve kishin origjinë europiane dhe me këtë nxitej bashkimi familjar “vetëm” i europianëve.
Por në praktikë ndodhi diçka tjetër: Banorët e Europës lindore nuk lejoheshin të emigronin, kurse europerëndimorët nuk kishin arsye të largohen nga vendi për shkak të mirëqenies së lartë. Ky vakum i thithjes së emigrantëve u zëvendësua kryesisht nga meksikanët, koreanët dhe kinezët (kryesisht nga Tajvani dhe Hong Kongu). Në tre dekadat e fundit ka pasur vetëm tre valë të mëdha të emigrimit drejt SHBA-së nga Europa, dhe atë: nga hebrenjtë rusë pas shpërbërjes së Bashkimit Sovjetik, muslimanëve boshnjakë për shpërbërjes së Bosnjës dhe shqiptarëve të Kosovës. Të treja grupet nuk kanë qenë protestantë të Europës veriore.
Frika nga terroristët në lotari
Që Amerika filloi të behët pak më e bardhë, kjo u arrit me ligjin e 1990 përmes „Diversity Visa“ ose Greencard-Lotterie. Vitin e kaluar kanë shkuar në SHBA 50 mijë emigrantë, kryesisht të bardhë nga Europa.
Por pas 9-11, shumë amerikanë janë të shqetësuar se përmes kësaj llotarie mund të vijnë terroristët. Për këtë tashmë kërkohet një zëvendësim i llotarisë amerikane me një ligj tjetër. Një ligj i propozuar nga Trump, që të ardhurit e ri duhet të dinë anglishten dhe historinë amerikane. E reja është se edhe vitet do luajnë një rol të rëndësishëm, që një jo-amerikan nuk mundet të drejtojë një kompani dhe se nuk guxon të ndryshojë vendin e punës më shumë se njëherë.
Por në kohën kur demokratët në parim janë shumë dakort për thithjen e emigrantëve të kualifikuar, është e dyshimtë nëse mbështetësit e Trump kërkojnë emigrantë të kualifikuar nga Azia.
Por në këto kushte kur hendeku mes demokratëve dhe republikanëve vijon të jetë i thellë, ligji i ri për emigrantët pritet të vendoset pas zgjedhjeve presidenciale. A do qëndrojë SHBA e bardhë?/Foldrejt.com
