Në të rriturit e moshuar, pllakat në arteriet koronare rrit rrezikun e sulmit në zemër në një masë më të madhe tek gratë sesa tek burrat, raportuan studiuesit.
“Diametri i brendshëm i arterieve koronare është më i vogël tek gratë, që do të thotë se e njëjta sasi pllake mund të ketë një efekt më të madh në rrjedhjen e gjakut”, tha udhëheqësja e studimit, Dr. Sophie van Rosendal nga Qendra Mjekësore e Universitetit Leiden në Holandë, përcjell Fol Drejt.
Ekipi i saj studioi 11,678 gra dhe 13,272 burra që kishin pllakë arterie koronare të vlerësuar me anë të tomografisë së kompjuterizuar. Mesatarisht, ngushtimi i arterieve ishte i dukshëm tek meshkujt në fillimet e tyre deri në mesin e të 50-tave dhe tek femrat nga mesi deri në fund të të 60-tave.
Në gratë para menopauzës dhe te burrat më të rinj se 55 vjeç, një shkallë e caktuar e aterosklerozës koronare ishte njëlloj parashikuese e sulmit në zemër ose vdekjes, sipas një raporti studimi të botuar në revistën European Heart Journal – Cardiovascular Imaging .
Në moshat më të mëdha, megjithatë, një sasi e caktuar pllake kishte një efekt shumë më të madh në rrezikun për gratë.
Pas menopauzës, një sasi mesatare e pllakave më shumë se dyfishoi rrezikun e sulmit në zemër ose vdekjes tek gratë, dhe një sasi e lartë e rriti rrezikun gjashtëfish në krahasim me një sasi të ulët të pllakës.
Në mesin e meshkujve të një moshe të ngjashme, një ngarkesë mesatare e pllakës u shoqërua me një rrezik 57 përqind më të lartë dhe një sasi e lartë më shumë se dyfishoi rrezikun e tyre, raporton Reuters.
“Gjetjet mund të kenë implikime për trajtimin,” tha van Rosendael, duke shtuar se rezultatet e tyre tregojnë se gratë në postmenopauzë mund të kenë nevojë për një dozë më të lartë të një statine ose shtimin e një ilaçi tjetër për uljen e lipideve./FolDrejt/
