Policia e Kosovës ka kërkuar ndihmë në identifikimin e një personi të dyshuar, përcjell Fol Drejt.
Sipas policisë, njësiti i hetimeve të stacionit policor Qendra në Prishtinë, me autorizim nga prokuroria kompetente, ka kërkuar ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi.
Personi i dyshuar kërkohet për përfshirje në një rast, Grabitje të ndodhur me datën 24.08.2023 , në rrugën “UÇK” në Prishtinë.
“Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192.”, thuhet në njoftimin e policisë, transmeton Fol Drejt.
