Policia e Kosovës ka njoftuar se në universitetet e vendit është duke mbajtur prezantime rreth temës “Parandalimi dhe luftimi i Korrupsionit në Kosovë”, shkruan Fol Drejt.
“Policia e Kosovës, Drejtoria për Hetimin e Krimeve Ekonomike dhe Korrupsionit (DHKEK) në koordinim me OSBE-në, ka organizuar dhe mbajtur prezantime me temën “Parandalimi dhe luftimi i Korrupsionit në Kosovë”, në Universitetin “Hasan Prishtina” në Prishtinë, në Universitetin “Kadri Zeka” në Gjilan, në Universitetin “Ukshin Hoti” në Prizren, në Universitetin “Haxhi Zeka” në Pejë si dhe në ditët në vijim do të mbaj prezantimin në Universitetin “Isa Boletini” në Mitrovicën e Jugut.”, shkruan në raportin e policisë
Policia theksoi se ligjëratat kanë për qëllim parandalimin dhe luftimin e korrupsionit, përmes njohjes së dukurisë negative të korrupsionit, shkaqet dhe pasojat e tij; nxitjen dhe zhvillimin e qëndrimeve jo-tolerante ndaj korrupsionit; forcimin e aftësive të tilla, si: komunikimi, ndërmarrja e veprimeve, bashkëpunimi, pjesëmarrja aktive në jetën shoqërore; bashkëpunimi i policisë me mekanizmat institucional në parandalimin dhe luftimin e korrupsionit; trajtimi i rasteve në procedurat policore, etj. /FolDrejt/
