Dy muaj më parë, policia në Hamburg mori një informacion anonim për një sulmues që vrau shtatë persona në një sallë për Dëshmitarët e Jehovait, por ai i bindi që të mos i hiqnin armët, shkruan Klix, përcjell Fol Drejt.
Një letër u mor në janar që shprehte shqetësimin për shëndetin mendor të Philip F dhe blerjen e municioneve, por oficerët nuk gjetën arsye për shqetësim kur e vizituan atë muajin e kaluar.
Ai vrau katër burra dhe dy gra midis moshës 33 dhe 60 vjeç gjatë sulmit që filloi në orën 21:00. Mbrëmjen e së enjtes, ku mbetën të plagosur edhe tetë persona, katër prej tyre në gjendje të rëndë.
Sulmuesi vrau veten me armën e tij ndërsa policia u përpoq ta bindte të dorëzohej pasi u ndoq pranë qendrës së Hamburgut.
“Ai është një ish-anëtar i Dëshmitarëve të Jehovait, i cili u largua vullnetarisht nga komuniteti rreth një vit e gjysmë më parë, por është e qartë se ai nuk është në marrëdhënie të mira”, tha Thomas Radszuweit, kreu i sigurimit shtetëror të Hamburgut.
Sulmuesi kishte patentë armësh dhe zotëronte ligjërisht një pistoletë Heckler dhe Koch P30. Ai u vizitua në shkurt pasi mori një letër anonime që sugjeronte se ishte i shqetësuar mendërisht. Gjatë vizitës së radhës, Philipp F i siguroi oficerët se nuk kishte arsye për shqetësim.
Shefi i policisë Ralf Martin Meyer tha në një konferencë për shtyp se nuk kishte bazë ligjore për të konfiskuar armën e burrit, të cilën ai e kishte në pronësi që nga viti 2006. /FolDrejt/
