Një person është arrestuar pasi që të njëjtit policia i ka gjetur substanca narkotike të llojit kokainë e marihuanë.
Rasti ka ndodhur në fshatin Arllat të Drenasit, rreth orës 23:10 të datës 15 tetor, transmeton Fol Drejt.
Siç bëhet e ditur në raportin 24-orësh, është arrestuar i dyshuari mashkull kosovar për shkak se gjatë kontrollit që i është bërë nga njësiti policor derisa kishte qenë duke udhëtuar me një veturë, i janë gjetur dhe sekuestruar: 10 gram substanca të dyshuara narkotike të llojit Kokainë, 1 gram substanca të dyshuara narkotike të llojit Marihuanë dhe një peshore digjitale.
Tutje thuhet se i dyshuari, pas intervistimit dhe me vendim të prokurorit, është dërguar në mbajtje.
Rasti është nën hetime./FolDrejt/
