Policia e Kosovës ka njoftuar se Drejtoria e Policisë në Bashkësi dhe Preventivë sot ka mbajtur një ligjëratë para studentëve të kolegjit “Universum” me temën “Parandalimi dhe trajtimi i dhunës në familje nga Policia e Kosovës”, raporton Fol Drejt.
“Qëllimi i kësaj ligjërate ishe mobilizimi i studentëve për të bashkëpunuar me Policinë e Kosovës dhe organet e tjera të rendit në adresimin e dhunës në familje. Ligjërata është mirëpritur nga studentët dhe stafi pedagogjik, ku prezantimi ka zgjuar kureshtjen e pjesëmarrësve për parashtrimin e një numri të konsiderueshëm të pyetjeve në lidhje me temën.”, thuhet në raportin e policisë.
Tutje, aty u tha se Policia e Kosovës tregon përkushtim dhe profesionalizëm në trajtimin e gjitha rasteve penale, përfshirë edhe rastet e dhunës në familje, KU edhe në këtë rast policia iu bëri thirrje qytetarëve që ta raportojnë dhunën në familje në numrat e saj pa pagesë: 192, 080019999, në adresat elektronike [email protected], dhe aplikacionin mobil “Lajmëro Policinë”, pasi vetëm duke bashkëpunuar të gjithë së bashku mund të kontribuohet në parandalimin e dukurive negative në shoqëri. /FolDrejt/
