Drejtoria e stacionit policor të rajonit të Gjilanit ka bërë shpërndarjen e dhuratave për fëmijë.
Kështu ka njoftuar Policia e Kosovës, e cila ka bërë të ditur se në kuadër të projektit ,,Festojmë së bashku’’ ka vazhduar shpërndarja e disa dhuratave për fëmijë në qendrën për përkujdesen ditore ,,Pema’’ në qytetin e Gjilanit, fëmijët e komunitetit rom si dhe fëmijëve të tjerë në disa lagje të qytetit të Gjilanit të cilët janë takuar nga ana e zyrtarëve policorë.
Siç thuhet në njoftimin e policisë, shpërndarja e dhuratave nga ana e zyrtarëve policorë është bërë me qëllim që t’u tregohet fëmijëve se Policia e Kosovës përpos që kujdeset për sigurinë e tyre dhe të gjithë qytetaret, tregon kujdes edhe për gëzimin dhe lumturinë e tyre.
“Drejtoria Rajonale e Policisë në Gjilan uron të gjithë për festat e fundvitit duke dëshiruar shëndet, dashuri, gëzim dhe realizim të të gjitha ëndrrave”, thuhet tutje në njoftim./FolDrejt/
