Policia e Kosovës po vazhdon me fushatën në përkrahje të kandidateve për të aplikuar në këtë institucion, shkruan Fol Drejt.
“Me qëllim të informimit për aplikim në Policinë e Kosovës, në kuadër të Drejtorisë Rajonale Policore (DRP) Mitrovicë Jugu dhe DRP Mitrovicë Veri, janë zhvilluar takime për inkurajimin e kandidatëve të ri (të komuniteteve pakicë) të cilët mund të aplikojnë në Policinë e Kosovës.”, shkruan në raportin policor.
Policia theksoi se të rinjtë (kandidatë të mundshëm për aplikim në PK), janë informuar rreth punës policore dhe shërbimit ndaj qytetarëve si mision human. Po ashtu atyre iu është sqaruar forma e aplikimit, procesi i rekrutimit, si dhe i janë shpërndarë fletëpalosje me sqarime rreth procedurave të konkursit.
Policia e Kosovës falënderon misionin e OSBE-së për bashkëpunim dhe përkrahjen që i ka ofruar Departamentit të Burimeve Njerëzore në realizimin dhe organizimin e këtij aktiviteti në dy DRP-të përkatëse. /FolDrejt/
