Komanda e Operacionit e Forcave të Armatosura Polake raportoi se një “objekt fluturues i paidentifikuar” hyri në hapësirën ajrore të vendit nga drejtimi i Ukrainës dhe më pas sinjali i tij u zhduk në radar.
Për këtë çështje është bërë një deklaratë në llogarinë X të platformës sociale të komandës, shkruan AA, përcjell Fol Drejt.
Në deklaratë, u vu re se radarët e sistemit të mbrojtjes ajrore të vendit zbuluan një “objekt fluturues të paidentifikuar” që hynte në hapësirën ajrore nga drejtimi i Ukrainës.
Në deklaratë thuhet se sinjali i objektit që ka hyrë në radar është humbur më vonë dhe se kanë nisur kërkimet për gjetjen e objektit.
Është raportuar se kryeministri Donald Tusk ftoi Ministrin e Mbrojtjes Wladyslaw Kosiniak-Kamysz, komandantët e ushtrisë dhe organet e sigurisë kombëtare në një takim për të diskutuar këtë çështje.
