Portieri i Polonisë, Wojciech Szczesny, ka thënë se e dinte se ku do të gjuante Lionel Messi, pasi ai priti penalltinë e tij në Kupën e Botës.
Me presionin e Argjentinës në ndeshjen e fundit të grupit kundër Polonisë, atyre iu dha një penallti në rrethana të diskutueshme gjatë pjesës së parë. VAR gjykoi se Szczesny kishte faulluar Messin duke kontaktuar kur vinte për një krosim, por ai i mohoi golin Messit në mënyrë të jashtëzakonshme.
Duke folur pas ndeshjes për TVP, porteri i Juventusit shpjegoi këndvështrimin e tij për incidentin: “Menjëherë i thashë arbitrit që e preka atë (Messin) me dorë në fytyrë, por e godita vetëm pasi shkoi topi, nuk mendoj se ka penallti. Arbitri vendosi ndryshe dhe kjo është në rregull – duhet ta tregoj veten”, tha ai.
“Tani mund të them se e dija se ku do të gjuante Messi, por në atë moment nuk isha aq i sigurt. Leo shikon portierin në disa penallti dhe e godet fort topin pastaj”, shtoi ai.
“E dija që nëse do të godiste fort, do të ishte më shumë në të majtën time. E pashë që nuk po ndalonte, kështu që shkova në të majtën, e ndjeva, e mbrojta. Jam i lumtur sepse ajo penallti dha diçka në fund”, shtoi portieri polak, transmeton Fol Drejt.
