Sot, policia portugeze, me ndihmën e kolegëve të saj gjermanë dhe britanikë, filloi një kërkim të ri për vajzën britanike Madeleine McCann, e cila u zhduk në rajonin jugor portugez të Algarve 16 vjet më parë.
Midis 20 dhe 30 oficerë policie, disa me uniformë, mund të shiheshin në zonën pranë digës Arade, rreth 50 kilometra nga Praia da Luz, ku vajza tre vjeçare u pa për herë të fundit e gjallë në vitin 2007, raportoi AP, përcjell Fol Drejt.
Policia portugeze ngriti një tendë bazë blu dhe rrethoi zonën./FolDrejt/
