Presidenti i Bayernit, Herbert Hainer ka folur për një marrëveshje verbale për transferimin e Robert Lewandowski nga bavarezët te Barcelona – Të dielën pritet njoftimi nga katalanasit.
Robert Lewandowski duhet të konsiderohet një futbollist i Barcelonës, shkruan protothema, transmeton Fol Drejt.
Kryetari i Bayern-it, Herbert Hainer tha: “Ne kemi një marrëveshje verbale me Barcelonën. Është mirë për të dyja palët. Roberti është një lojtar që meriton shumë, ai ka fituar mirënjohjen tonë”.
Oliver Kahn, që përfaqëson Bayernin si drejtor ekzekutiv, tha: “Po, ka një marrëveshje verbale dhe ne jemi duke pritur për kontratat. Ne u përpoqëm të qëndronim në pozicionin e forcës, por në fund i dhamë ok Robertit.
Ne po shikojmë se çfarë ndodh në merkato për një sulmues, pasi klubi ynë është tërheqës për lojtarët më të mëdhenj”.
Barcelona do t’i paguajë Bayernit 50 milionë euro për transferimin. Polaku është stërvitur për herë të fundit me Bayernin mëngjesin e së shtunës dhe të dielën pritet të jetë në SHBA, ku ndodhet skuadra e Barcelonës, për t’iu nënshtruar testeve mjekësore dhe firmos./FolDrejt/
