Presidenti i Atletico Madridit, Enrique Cerezo ka thënë se do të ishte “fantastike” nëse Lionel Messi dhe Cristiano Ronaldo do të ktheheshin në La Liga në një fazë të caktuar.
Ka shumë spekulime që thonë se shtatë herë fituesi i Topit të Artë, Messi, mund të rikthejë hapat drejt Spanjës këtë verë, pasi kontrata e tij me Parisin skadon edhe pak muaj. Duket se ka pak shanse që Ronaldo, i cili ka pesë Topa të Artë të fituar, të kthehet në La Liga së shpejti – pasi ai punon në marrëveshjen më fitimprurëse në futbollin botëror me skuadrën e Arabisë Saudite Al-Nassr – por Cerezo beson se dy futbollistët kanë ende shumë për të ofruar në nivelin më të lartë.
Ai u tha gazetarëve kur ndoqi një ngjarje në Real Club Tenis Barcelona: “Mendoj se do të ishte fantastike nëse Messi do të kthehej në La Liga, ashtu si edhe Cristiano Ronaldo. Të dy janë ende duke luajtur dhe do të ishte fantastike nëse do të ktheheshin.”
Barca, e cila po i afrohet titullit të La Ligës këtë sezon, ka pranuar se ka folur me përfaqësuesit e Messit në lidhje me një rikthim në Camp Nou, por nuk ka pasur diskutime zyrtare dhe fituesi i Kupës së Botës 2022 ende nuk ka bërë ndonjë deklaratë publike për synimet e tij të ardhshme, transmeton Fol Drejt.
