Presidenti iranian Ebrahim Raisi mbërriti në Karakas dhe u takua me presidentin venezuelian Nicolas Maduro gjatë vizitës së tij të parë në këtë vend në kuadër të një turi në Amerikën Latine që do të përfshijë edhe Kubën dhe Nikaraguan, transmeton Klix, përcjell Fol Drejt.
Gjatë vizitës, Raisa dhe Maduro nënshkruan dokumente për zgjerimin e bashkëpunimit dypalësh, njoftoi agjencia shtetërore iraniane e lajmeve pa dhënë detaje.
Pamjet e televizionit shtetëror treguan mbërritjen e Raisit në aeroportin pranë Karakasit dhe më pas hyrjen e tij në pallatin presidencial, ku ai përshëndeti Maduro.
Në një konferencë të përbashkët për shtyp pas takimit, Raisi tha se dy vendet janë të afta të arrijnë një shkëmbim tregtar prej 10 miliardë dollarësh në hapin e parë, ndërsa në hapin e dytë mund të arrijnë deri në 20 miliardë dollarë.
“Presidenti Raisi tha se Venezuela dhe Irani kanë interesa dhe pikëpamje të përbashkëta për pavarësinë, lirinë dhe drejtësinë. Ai shtoi se Irani gjithmonë e ka dëshmuar miqësinë me Venezuelën edhe në ditë të vështira”, shkruan agjencia iraniane e lajmeve IRNA.
Irani dhe Venezuela, të cilat janë nën sanksionet e ShBA-së, nënshkruan një plan bashkëpunimi 20-vjeçar në Teheran vitin e kaluar dhe njoftuan një partneritet në naftë, mbrojtje dhe çështje të tjera. /FolDrejt/
