Pretendimet e paprovuara të Rusisë për përdorimin e një “bombë të pistë” nga Ukraina janë një përpjekje për ta bërë Perëndimin të ndalojë ofrimin e ndihmës, për të ngrirë luftën që “Rusia nuk mund ta përballojë”, tha presidenti polak Andrzej Duda, sipas Ukrinform, përcjell Fol Drejt.
Duda u bëri thirrje vendeve perëndimore që të mos dorëzohen para shantazhit të Rusisë dhe të vazhdojnë të ndihmojnë Ukrainën derisa ajo të rivendosë kontrollin mbi kufijtë e saj.
Presidenti polak tha gjithashtu se dialogu me Moskën mund të ndodhë vetëm kur të fillojë të përputhet me normat e së drejtës ndërkombëtare. “Rusia është agresore dhe, derisa të largohet nga Ukraina, do të vazhdojë të jetë agresore”, tha ai.
Më 23 tetor, Ministri rus i Mbrojtjes Sergei Shoigu bëri një pretendim në bisedat e tij telefonike me zyrtarë perëndimorë se Ukraina po përgatitet të përdorë një “bombë të pistë” ose një “bombë të vogël bërthamore”.
Autoritetet ukrainase i mohuan akuzat. SHBA, Britania e Madhe dhe Franca kundërshtuan së bashku pretendimet dhe paralajmëruan Moskën kundër përdorimit të çdo preteksti për përshkallëzimin e konfliktit. /FolDrejt/
