Presidentja greke Katerina Sakellaropoulou dhe Ministri i Mbrojtjes Kombëtare Nikos Panagiotopoulos mbërritën në kryeqytetin ukrainas, Kiev, të enjten, shkruan Ekathimerini, transmeton Ukrinform, përcjell Fol Drejt.
Ata pritet të zhvillojnë bisedime me presidentin ukrainas Volodymyr Zelensky dhe ministrin e Mbrojtjes Oleksii Reznikov.
Sakellaropoulou do të ketë një takim privat me Zelensky dhe më pas do t’i bashkohen delegacioneve të tyre përkatëse.
Bisedimet e Panagiotopoulos me Reznikov vijnë disa javë pasi Greqia filloi dërgimin e automjeteve luftarake të këmbësorisë BMP-1 në Ukrainë, si pjesë e “shkëmbimit rrethor” me Gjermaninë që po furnizon Athinën me një total prej 40 Marder IFV.
Mbërritja e tankeve të para u njoftua nga Ministri i Punëve të Jashtme të Ukrainës Dmytro Kuleba më 19 tetor.
Vizita e presidentit grek fillimisht ishte planifikuar për mesin e tetorit, megjithatë, takimi u ricaktua për shkak të pengesave të papërcaktuara. Udhëtimi nuk u njoftua paraprakisht për arsye sigurie, raportoi e përditshmja greke Proto Thema. /FolDrejt/
