Presidentja e vendit, Vjosa Osmani, i ka shprehur ngushëllime familjes Fehmiu dhe gjithë komunitetit sportiv, për ndarjen nga jeta të doajenit të sportit të Kosovës, z.Arsim Fehmiu, transmeton Fol Drejt.
“Me dhimbje e pranova lajmin për ndarje nga jeta të doajenit të sportit të Kosovës, z.Arsim Fehmiu.
Profesor Arsimi dha kontribut të çmuar në sferën universitare, por edhe në themelimin e institucioneve të pavarura sportive të Republikës së Kosovës.”, është shprehur presidentja Osmani.
“Kontributi i tij në sportin e futbollit, basketbollit, hendbollit dhe volejbollit, do të mbetet referencë për brezat e tashëm dhe të ardhshëm.
Ngushëllime familjes Fehmiu dhe gjithë komunitetit sportiv!”, ka shtuar ajo më tej./FolDrejt/
