Në kuadër të vizitës së saj dy ditore në Bullgari, presidentja e vendit, Vjosa Osmani, ka zhvilluar një takim me kryeparlamentarin e Bullgarisë, në të cilin ka diskutuar për zhvillimet në Kosovë e në rajon.
Këtë e bëri të ditur vetë presidentja Osmani, me anë të një postimi në facebook.
“Takim konstruktiv me kryetarin e Parlamentit të Bullgarisë, Vezhdi Rashidov, me të cilin diskutuam për zhvillimet në Kosovë, rajon e më gjerë si dhe për raportet tona dypalëshe me Bullgarinë.
Diplomacia parlamentare luan rol kyç në avansimin e raporteve ndërshtetërore, prandaj e falënderova Bullgarinë që është mbështetëse e fuqishme e liberalizimit të vizave, anëtarësimit të Kosovës në Këshillin e Evropës dhe në strukturat euroatlantike.”, ka shkruar Osmani./FolDrejt/