Vjosa Osmani ka reaguar që në orët e hershme të mëngjesit, pas lajmeve se ushtria, ruse ka shkelur territorin ukrainas.
Presidentja e vendit në një postim në llogarinë e saj në Twitter ka shkruar kësisoj:
“Kosova qëndron me Ukrainën dhe popullin e saj, ndërkohë që ata po përballen me pasojat e luftës si rrjedhojë e akteve të agresionit të Rusisë.
Ne do të bashkëpunojmë me aleatët tanë për të ndaluar çdo destabilizim në rajonin tonë. Hegjemonia e Rusisë nuk do të ketë sukses. Liria dhe demokracia do të mbizotërojnë”.
Presidentja ka shpërndarë në Facebook edhe një pjesë të deklaratës së saj, thënë më 17 shkurt në Kuvendin e Kosovës.
“Lufta në Ukrainë, si rezultat i akteve te agresionit dhe sulmeve të paprovokuara të Rusisë, na e përkujton se sa e vlefshme është liria. Në ditë si kjo, kur shohim horrorin e luftës me të cilin përballet ky shtet, qëndrojmë me popullin ukrainas dhe shprehim solidaritetin tonë të thellë. Imazhet e tmerrshme nga Ukraina na përkujtojnë sërish rëndësinë e aleancave mes popujve demokratik, si e vetmja mënyrë për t’i dalë ballë hegjemonisë së Rusisë dhe të satelitëve të saj.
Prandaj, jemi në koordinim të vazhdueshëm me aleatët tanë, për të mos lejuar destabilizimin e rajonit tonë.
Hegjemonia ruse do të dështojë sërish. Liria dhe demokracia do të triumfojnë!”.
Përndryshe, mediat ndërkombëtare po raportojnë vazhdimisht se Rusia ka filluar invazionin në shkallë të gjerë, mbi Ukrainën./FolDrejt/
🇽🇰 stands with 🇺🇦 & its people, while they’re facing the consequences of unprovoked war as a result of Russia’s acts of aggression.
We’ll cooperate with our allies to stop any destabilization in our region. Russia’s hegemony will not succeed. Freedom and democracy will prevail.
— Vjosa Osmani (@VjosaOsmaniPRKS) February 24, 2022
