Pas magazinës më të madhe të Europës, SPIEGEL, së fundi për një “Pranverë Ballkanike” ka shkruar edhe media më e madhe zvicerane “Neu Zürcher Zeitung”, infomon foldrejt.com.
“Në Serbi, Malin e Zi, Shqipëri dhe Bosnjë protestojnë qytetarët – a do ketë një pranverë ballkanike?,” pyet në fillim media helvete.
Më pas tregohet për protestën në Banja Lukë të Bosnjës dhe Hercegovinës, për protestën e 14 kundër Aleksandër Vuciqit në Serbi; për aferën korruptive të qeverisë malazeze, përherë të parë protestohet kaq zëshëm edhe në Podgoricë kundër presidentit Milo Gjukanoviq; si dhe në fund protestohet edhe kundër qeverisë “arrogante” të Edi Ramës.
“Sebepet për protesta janë të ndryshme, por kanë një arsye të përbashkët për pakënaqësinë,” përcjell foldrejt.com, shkrimin e prestigjiozes helvete. “Forca dhe energjia e protestave nuk vjen nga partitë opozitare, por nga shoqëria.”
Lëvizjet sjellin figura të reja pa përvojë politike, si Davor Dragicevic dhe Sergej Trifunovic.
Europa e paaftë kërkon reforma
Frustrimi në të gjitha vendet e lartëpërmendura është e ngjashme. Ekonomia stagnon te numri i lartë i papunësisë, kurse forca punëtore emigron. Në fakt sistemi politik është demokratik, por mungon mekanizmi i kontrollit (“checks and balances”) që përmbën demokracinë liberale.
Në fund media helvete nuk ngurron t’i quan autokratë Vuciqin, Ramën, Gjukanoviqin dhe Dodikun – që kontrollojnë drejtësinë, mediat dhe në këto kushte janë thuajse të pamundura të organzohen zgjedhje të lira.
Europa në këto kushte duket e paaftë dhe në vend që të mer masa konkrete, gëzohet vetëm me “perspektivën e qartë” të vendeve të rajonit dhe se duhet të vijojnë “reformat”./Foldrejt.com
