Drejtori i të ashtuquajturës Zyra për Kosovën Petar Petkoviq, ka komentuar zhvillimet e fundit politike, përkatësisht bisedimet Kosovë – Serbi, për të cilat ka thënë se nuk kanë sjell rezultate, shkruan Fol Drejt.
Për Novo jutro TV Pink ai tha se Prishtina është duke bërë luftë informative kundër Beogradit dhe se fatkeqësisht lajme të rreme transmetohen edhe nga shërbimi mediatik publik i vendit tonë.
Petkoviq i ka mohuar më së shumti lajmet e rreme që janë shfaqur jo vetëm në portalin e Shërbimit Publik të Serbisë, por edhe në emisionin e tyre kryesor të lajmeve në mëngjes.
“Ata thanë se mbrëmë vonë kam rënë dakord me Bislimin që të shtyhet regjistrimi paraprak për 10 muaj. Dhe duket se është rënë dakord që për Asociacionin e Komunave Serbe të diskutohet në kuadër të propozimit franko-gjerman. Po e përsëris edhe një herë: është një gënjeshtër e pastër, propagandë që vjen nga Prishtina” – tha ai.
Tendenca, sipas tij, është që të nxirret Prishtina nga kjo situatë, për shkak të vendimeve të njëanshme.
Petkoviq, për më tepër, ka thënë se është treguar transparent dhe se ka treguar gjithçka që ka ndodhur.
“Mbrëmë vonë isha me familjen time në shtëpi, i lodhur i vdekur. Kjo lloj lufte propagandistike dhe informative e udhëhequr nga Prishtina, dhe atë në kohën kur jemi vetëm tri ditë larg asaj që Kurti po planifikon është e lodhshme. Ajo që është skandal i veçantë është që: Shërbimi Mediatik Publik i Serbisë dhe agjencia e lajmeve Fonet marrin lajme dhe në këtë mënyrë krijojnë konfuzion dhe vënë në pikëpyetje gjithçka që po punojmë” – ka shtuar ai.
Petkoviq, madje ka shtuar se nuk ka më nevojë të diskutohet për tabelat me Prishtinën.
Se ka ndonjë marrëveshje – e ka mohuar edhe Zëvendëskryeministri i Kosovës Besnik Bislimi, i cili pas kthimit nga Brukseli tha se përpjekja për arritjen e një marrëveshjeje, po vijon./FolDrejt/
