Disa mbetje mortore janë gjetur dje në qytetin e Prizrenit.
Ato dyshohet të jenë nga lufta e fundit në Kosovë, transmeton Fol Drejt.
Siç njofton policia, punëtorët e Eko Regjionit, gjatë gërmimit për të hapur një varr në varrezat myslimane në qytetin e Prizrenit, kanë hasur në mbetje mortore të një kufome e cila ishte e mbështjellë me rroba si dhe një batanije.
“Dyshohet se mbetjet mortore i takojnë periudhës së luftës së fundit në Kosovë. Në vendin e ngjarjes kanë dalë njësitë përkatëse policore si dhe për rastin është njoftuar prokurori i shtetit”, thuhet në raportin e policisë.
Tërheqja e mbetjeve mortore është bërë nga njësia e krimeve te luftës./FolDrejt/
