Prodhimi industrial i Gjermanisë u rrit me 0.3% në prill, duke u zhvendosur nga një rënie e rishikuar në rënie prej 2.1% në mars, sipas të dhënave zyrtare të publikuara të mërkurën, raporton AA, përcjell Fol Drejt.
Shifra ishte nën vlerësimin e tregut për një rritje prej 0.6% për muajin përkatës.
Rritja u drejtua nga një rikthim në ndërtim (rritje 2% në prill pas rënies me 2.9% në mars) dhe rritje në prodhimin e produkteve farmaceutike bazë dhe përgatitjeve farmaceutike (rritje me 6.4%), tha në një deklaratë autoriteti gjerman statistikor Destatis.
Nga ana tjetër, prodhimi i mjeteve motorike dhe pjesëve ra me 0.8% dhe inxhinieria me 0.5% gjatë të njëjtës periudhë, duke kompensuar rritjen në leximin kryesor.
Prodhimi i mallrave kapitale u ul me 0.3%, i mallrave të ndërmjetëm me 0.2% dhe energjia u ul me 1.5% krahasuar me një muaj më parë.
Përkundrazi, prodhimi i mallrave të konsumit u rrit me 1.5% në muajin prill.
Në bazë vjetore, prodhimi industrial i Gjermanisë u rrit 1.6% në prill pas një rritjeje prej 2.3% në mars. /FolDrejt/
