Prodhuesi gjerman i armëve Rheinmetall pret që grupi i parë i municioneve për sistemet anti-ajrore Gepard do të dorëzohet në Ukrainë deri në korrik, tha CEO i Rheinmetall, Armin Papperger, raporton Klix, përcjell Fol Drejt.
Papperger njoftoi gjithashtu se 20 automjete luftarake Marder do të jenë gati për dorëzim në Ukrainë deri në fund të marsit. Ai shtoi se kompania e tij dyfishoi kapacitetin e saj, madje në disa sektorë e trefishoi atë.
“Depoja është e mbushur me prodhim të armëve, këtu po punohet me orar të plotë dhe me një turn mund të rrisim kapacitetet nëse lidhen kontratat”, tha ai.
Ministri gjerman i Mbrojtjes Boris Pistorius tha se qeveria gjermane po punonte me industrinë e armëve për të ofruar gjithçka që ishte e mundur.
“Ne mund të dorëzojmë atë që kemi dhe mund të dorëzojmë atë që do të prodhohet në muajt e ardhshëm”, tha ai.
Ministri gjerman i Mbrojtjes vizitoi gjithashtu pjesëtarët e ushtrisë ukrainase që po mësojnë të përdorin tanke Leopard dhe mjete luftarake të këmbësorisë Marder në Munster të Gjermanisë.
Prodhimi i një tanku modern luftarak zgjat afërsisht dy deri në dy vjet e gjysmë, që nga momenti kur është porositur, tha Pistorius gjatë vizitës.
“Gjithçka që po i dorëzojmë Ukrainës tani do të jetë në dispozicion për zëvendësim vetëm pas dy ose dy vjet e gjysmë”, përfundoi ai. /FolDrejt/
