Shqyrtimi i parë i Projektligjit nr.08/L-212 për shëndet riprodhues dhe fertilizim të asistuar mjekësor, ka zgjuar debat në “kampin e Vetëvendosjes!”, në seancën e sotme të Kuvendit të Kosovës, shkruan Fol Drejt.
Pas një debati, ai u hodh në votim, por u konstatua se nuk i mori votat e mjaftueshme për shkak se disa deputetë nuk morën fare pjesë në votim.
“9 deputetë kanë abstenuar, kuvendi e miraton në parim projektligjin për shëndet riprodhues dhe fertilizim të asistuar mjekësor” – tha Kryetari i Kuvendit Glauk Konjufca, por kur administrata e njoftoi, u konstatua që në kuvend nuk kishte mjaftueshëm kuorum, prandai ai mbeti për seancën e radhës.
Megjithatë paraprakisht deputetët e kësaj partie kërkuan që disa pika të këtij projektligji të hapeshin për diskutim.
Deputeti Eman Rrahmani tha se “e drejta e fertilizimit iu jepet edhe vajzave të pamartuara” prandaj sipas tij, Ministri Arben Vitia, duhet ta tërheq e ta rishqyrtoj projektligjin në fjalë.
Por nënkryetarja e kuvendit nga kjo parti Saranda Bugujevci është ngritur dhe e ka mbrojtur projektligjin “unë duhet me qenë e limitueme në bazë të asaj që e the, vetëm pse një shoqni mendon se një normë në një formë të caktueme”, tha ajo, duke e marr shembull vetveten.
Në debat është kyçur edhe deputeti Burim Meta, i cili ka thënë se “projektligjit nuk duhet t’i epet konotacion feminist”.
Tinka Kurti, ndërkaq tha se askush nuk duhet të vendos për gratë se çfarë të bëjnë me trupin e tyre.
Megjithatë, përkundër disa vërejtjeve të cilat i shtruan edhe deputetët e tjerë, projektligji u hodh në votim dhe për rrjedhojë, ai nuk arriti t’i merrte votat e mjaftueshme, sepse disa deputetë nuk morrën pjesë fare në votim.
Sanca e sotme i ndërpreu punimet për t’i vijuar ato nga ora 16:00./FolDrejt/
