Grupi i pronarëve të Liverpool FC tregoi të hënën se është duke shqyrtuar shitjen e klubit të Premier League, duke vendosur kësisoj në skenë një tjetër shitje shumë miliarda dollarëshe të një ekipi evropian të futbollit, shkruan Forbes, përcjell Fol Drejt.
Pronari i Liverpool, Fenway Sports Group tha në një deklaratë të dhënë për Forbes dhe media të tjera se “do të konsideronte aksionarë të rinj” për klubin, por mbeti “plotësisht i përkushtuar” për suksesin e Liverpool.
Pavarësisht formulimit të çuditshëm të deklaratave, raportet sugjerojnë se një shitje e plotë e Liverpool mund të jetë e pashmangshme: The Athletic raportoi më herët të hënën se Fenway Sports Group punësoi Goldman Sachs dhe Morgan Stanley për t’i dërguar tek investitorët e mundshëm, që më vonë u vërtetua nga ESPN dhe Bloomberg. Liverpooli ka një vlerë prej 4.45 miliardë dollarësh, sipas vlerësimeve tona më të fundit, duke e bërë atë klubin e katërt më të vlefshëm të futbollit në botë.
Fenway Sports Group gjithashtu mban shumicën e aksioneve në Boston Red Sox të MLB dhe Pittsburgh Penguins të NHL. Pronari kryesor i saj, John Henry, ka një vlerë prej 4 miliardë dollarësh, sipas llogaritjeve tona, dhe gjithashtu zotëron Boston Globe.
Fenway Sports Group bleu Liverpoolin për rreth 475 milionë dollarë në vitin 2010. Titani tjetër i Premierligës, Chelsea FC, iu shit me mbi 3 miliardë dollarë këtë pranverë një grupi të udhëhequr nga miliarderi amerikan Todd Boehly pasi sanksionet detyruan pronarin e tij, oligarkun rus Roman Abramovich të largohej. /FolDrejt/