Dogana e Kosovës nëpërmjet një njoftimi ka bërë të ditur se është parandaluar futja e një shume monedhash të padeklaruara, në pikën kufitare në Vërmicë, shkruan Fol Drejt.
Gjatë kontrolleve rutinore oficerët doganore kanë selektuar për kontroll një automjet me targa të Kosovës, në të cilin janë gjetur 18,250 euro të padeklaruara.
Ky është njoftimi i plotë:
“Parandalohet futja e mjeteve monetare të padeklaruara
Prishtinë 22 gusht, oficerët doganor në pikë kalimin kufitar të Vërmicës kanë parandaluar futjen e mjeteve monetare të padeklaruara.
Gjatë kontrolleve rutinore oficerët doganore kanë selektuar për kontroll një automjet me targa të Republikës së Kosovës. Pas ndalimit të automjetit vozitësi dhe pasagjerët kanë deklaruar se nuk posedojn asgjë. Automjeti është dërguar në vijën e dytë të kontrollit nën asistimin e policisë ku pas ekzaminimit fizik tek njëri nga pasagjerët në trup (saktësishtë në qantën e krahut) janë gjetur 18250.00 euro të padeklaruara.
Pala përgjegjëse është gjobitur me 25% të vlerës totale, konform nenit 33.5 te KDAK-es, pjesa tjetër është ndaluar deri në përfundimin e procedurave hetimore.
Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.”/FolDrejt/
