Buka është ushqimi i preferuar për shumë njerëz dhe është e vështirë të imagjinohen vaktet pa të, por dihet se ndikon në peshë.
Shpesh dëgjojmë nga personat që kanë vendosur të humbin peshë se e eliminojnë bukën nga dieta e tyre sepse përshpejton rënien në peshë, përcjell Fol Drejt.
Çfarë ndodh në të vërtetë në trup kur përjashtojmë bukën nga dieta?
Humbja e ujit të tepërt
Buka është plot me karbohidrate, dhe nxjerrja e papritur e tyre do të ndikojë në trup dhe do të çojë në humbje peshe. Megjithatë, nuk bëhet fjalë për humbje të shpejtë në peshë, por për zhdukje të ujit që grumbullohet në organizëm.
Trupi ruan karbohidratet në formën e glikogjenit, një acid laktik që ruan ujin. Çdo gram karbohidrate e mbajtur në trup ruan dhe lidh tre deri në katër herë peshën e tij në ujë.
Më pak nevojë për ushqim
Dihet se karbohidratet shkaktojnë një rritje të papritur dhe rritje të sheqerit në gjak, i cili më pas bie papritur, dhe kjo shkakton një ndjenjë urie dhe nevojë për ushqim. Kjo është një tjetër arsye pse buka ndikon në kilogramët pasi është plot me karbohidrate.
Kjo nuk do të thotë që ju duhet ta eliminoni plotësisht bukën nga dieta juaj, por vetëm se duhet të zëvendësoni kaloritë boshe dhe bukën e bardhë me bukë të bërë nga drithërat që rregullojnë dhe balancojnë sheqerin në gjak.
Më shumë energji dhe tretje më të mirë
Buka e bardhë, ndryshe nga buka e zezë apo integrale, nuk përmban fibra, të cilat janë shumë të nevojshme për funksionimin normal të zorrëve dhe tretjen. Një ushqim i tillë shkakton kapsllëk dhe probleme me tretjen. Pasi të eliminoni bukën e bardhë nga menyja dhe të përfshini drithërat në dietën tuaj të përditshme, tretja fillon të funksionojë normalisht dhe lehtë.
Po kështu, karbohidratet janë ushqim dhe lëndë djegëse për trurin. Nëse është i cilësisë së mirë, truri funksionon normalisht, pa vështirësi, por nëse ushqimi për trurin nuk është i shëndetshëm, trupi reagon negativisht, duke shkaktuar një ndjenjë dobësie dhe lodhjeje.
Dhe nutricionisti Casey Barnes thekson se është e rëndësishme që të merren karbohidratet në trup në sasi të moderuara dhe kjo është diçka që nuk duhet ta harroni.
“Duke përfshirë këto ushqime në dietën tuaj, do të merrni mjaftueshëm fibra, hekur, folate dhe magnez, do të jeni të ngopur dhe do të keni mjaftueshëm energji”. “Mos harroni se asnjë ushqim nuk është në thelb i keq, është vetëm e rëndësishme të keni një ekuilibër dhe të përcaktoni se cilat pjesë janë më të mira për ju”, thekson Barnes./FolDrejt/
