Ministri i Arsimit, Radovan Fuchs, ka komentuar të enjten rastin e tmerrshëm nga Kopshti Trnsko për mësuesen që u ka ngjitur gojën fëmijëve me shirit për t’i mbajtur të heshtur.
“Është absolutisht e papranueshme dhe e dënueshme , është vepruar me pretekst. Ka reaguar Inspektorati Arsimor, i cili ka bërë menjëherë vëzhgime dhe ka marrë vendim se është shkelje e rëndë e disiplinës së punës dhe ka rekomanduar paralajmërim me mundësi largimi nga puna”, tha ministri Fuchs dhe vijoi:
“Në atë moment, pas konstatimeve, drejtori me miratimin e Këshillit Drejtues mund të merrte vendim për largim nga puna, askush tjetër përveç punëdhënësit nuk mund ta shkarkojë punonjësin. Gjithçka varet vetëm nga drejtori”.
“Sigurisht që nuk është normale, që çdo njeri normal është i tmerruar nga kjo, nuk gjej fjalë për të dënuar një veprim të tillë”, shtoi Fuchs.
Më herët të enjten për këtë rast ka folur edhe kryetari i komunës së Zagrebit Tomislav Tomašević . “Si mund të di detajet e hetimit në vazhdim? Qyteti i Zagrebit do të veprojë si themelues. Nuk mund të paragjykoj fajin. Qyteti do të marrë masa nëse institucioni ku ndodhi nuk e bën këtë. Nëse kjo ka ndodhur, tingëllon e tmerrshme, dikush duhet të mbajë përgjegjësi për këtë dhe nuk duhet të ndodhë më”.
Portali Zagreb.info për këtë rast ka kontaktuar edhe Melina Vuçakun , drejtoreshën e çerdhes në fjalë.
“Kopshti ka vepruar sipas të gjitha protokolleve, ka njoftuar të gjitha institucionet kompetente dhe hetimet janë ende në vazhdim dhe sipas të gjitha procedurave, kopshti do të ofrojë mbështetje në kuadër të kompetencave të veta.
Ajo nuk ka dashur të komentojë se kur dhe nëse mësuesja në fjalë do të kthehet në punë./FolDrejt/
