Fotoja është publikuar vetëm disa orë para funeralit të Mbretëreshës Elizabeth.
Fotoja e fundit zyrtare e mbretëreshës Elizabeth , e cila u nda nga jeta në moshën 96-vjeçare dhe sot e hënë (19/09) po bëhet funerali i saj , është publikuar nga familja mbretërore pak pas mesnatës së së dielës, shkruan protothema, transmeton Fol Drejt.
Siç thuhet në njoftimin përkatës për fotografinë e Mbretëreshës Elizabeth kjo është realizuar me rastin e festimeve të Jubileut të Platinumit pasi ajo ishte monarkja e parë që arriti këtë moment historik.
Monarku 96-vjeçar mund të shihet duke buzëqeshur para kamerës në foto , e cila është bërë në Kështjellën Windsor.
Mbretëresha Elizabeth vesh një fustan blu pastel, të cilin e akseson me dy karfica të mrekullueshme, të cilat, sipas Daily Mail, ishin një dhuratë që ajo mori në ditëlindjen e saj të 18-të nga babai i saj, Mbreti George VI në prill 1944.
Monarkja 96-vjeçare mban edhe gjerdanin që kishte mbajtur në takimin e saj të fundit zyrtar me kryeministren britanike Liz Truss në Kalanë Balmoral disa ditë para vdekjes së saj./FolDrejt/
