Është e zakonshme që në kontaktin e parë që kemi me foshnje të përpiqemi ti përqafojmë ata, e në disa raste nuk kursejmë as puthjet.
Por a jeni të vetëdijshëm se ku mund të çojë përcjellja e një virusi që gjendjet normalisht tek të rriturit por jo te foshnjat?
Është fjala për virusin Herpes, i njohur ndryshe si “puthja e vdekjes”.
Mediat kanë raportuar për të shumta raste ku nënat janë drejtuar në dyert e spitaleve për të trajtuar fëmijët e tyre në gjendje të rëndë shëndetësore. Një histori e thjeshtë që për mjekët është protokoll, mund të zbuloj se fëmijët janë puthur dhe atyre u është transmetuar ky virus “i fjetur” në organizmin e të rriturve, e njëkohësisht i papërballueshëm për atë të të porsalindurve.
Mundësia më e madhe e transmetimit është përmes puthjes së fëmijës në buzë qoftë nga nëna apo ndonjë anëtar tjetër i familjes. Ky është alarmi që kanë ngritur mjekët dhe ekspertët e infektologjisë, të cilët madje shkruajnë artikuj në media në përpjekje për vetëdijesimin e nënave të reja.
Sa për të sqaruar natyrën e virusit, mjafton të dimë se është sëmundje tejet ngjitëse që përcillet me ulcera dhe temperaturë, gjëra që foshnjat e porsalindura nuk janë të përgatitura t’i përballojnë.
Prandaj këshillat nga ekspertët janë të qarta sa më s’ka: Mos i puthni foshnjat, dhe nëse doni t’i përqafoni, pastrojini fillimisht duart! /www.foldrejt.com/
