Shtetet e Bashkuara nuk kanë bërë rregullime në qëndrimin e tyre bërthamor pas vendosjes së armëve bërthamore nga Rusia në Bjellorusi dhe denoncuan komentet e presidentit rus Vladimir Putin se Moska mund të përdorte “teorikisht” armë bërthamore nëse do të kishte një kërcënim për integritetin ose ekzistencën e saj territorial, njofton Al Jazeera, transmeton Fol Drejt.
Sekretari amerikan i Shtetit Antony Blinken tha të premten se Uashingtoni nuk e kishte ndryshuar qëndrimin e tij bërthamor pasi Putin konfirmoi për herë të parë se Rusia kishte vendosur armë bërthamore në Bjellorusi.
“Ne nuk kemi asnjë arsye për të rregulluar qëndrimin tonë bërthamor. Ne nuk shohim asnjë indikacion se Rusia po përgatitet të përdorë një armë bërthamore”, tha Blinken.
Blinken tha se ishte “ironike” që Putini kishte vendosur armë bërthamore ruse në Bjellorusi kur udhëheqësi rus e kishte justifikuar pushtimin e tij në Ukrainë mbi bazën se ai donte të pengonte Kievin nga marrja e armëve të tilla.
