Presidenti francez Emmanuel Macron ka udhëzuar këshilltarin e tij për politikën e jashtme Emmanuel Bonn që të punojë me kryediplomatin kinez Wang Yi për të krijuar një kornizë që mund të përdoret si bazë për bisedimet e ardhshme midis Ukrainës dhe Rusisë.
Duke cituar burime të paidentifikuara të njohura me planet e Macron, Bloomberg raportoi sot se qëllimi i strategjisë franceze është të mbajë bisedime midis Rusisë dhe Ukrainës tashmë këtë verë “nëse gjithçka shkon mirë”.
Gjatë udhëtimit të tij të fundit në Kinë, presidenti francez dështoi në qëllimin e tij për të bindur Xi-n të fliste me presidentin ukrainas Volodymyr Zelensky, dhe gjithashtu thuhet se zemëroi aleatët vitin e kaluar pasi tha se ata nuk duhet të “poshtërojnë” Rusinë, transmeton Fol Drejt.
