Departamenti Amerikan i Drejtësisë njoftoi të enjten se ka ngritur një padi kundër SpaceX, të udhëhequr nga Elon Musk, për diskriminim të punësimit ndaj refugjatëve.
Në postimet e punës dhe zgjedhjet e punonjësve nga shtatori 2018 deri në shtator 2022, SpaceX deklaroi në mënyrë të rreme se mund të punësonte vetëm shtetas amerikanë dhe mbajtës të kartave jeshile ose banorë të përhershëm, për shkak të “ligjeve të kontrollit të eksportit” me të cilët kompania duhet të respektojë, thotë ministria në një deklaratë, përcjell Fol Drejt.
“Përmes hetimit tonë, ne përcaktuam se SpaceX refuzoi në mënyrë të pajustifikueshme refugjatët për shkak të statusit të tyre dhe në fakt vendosi një ndalim punësimi, pavarësisht nga kualifikimet e tyre, duke shkelur kështu ligjin federal”, tha zëvendës sekretarja e drejtësisë, Kristen Clark, sipas tekstit.
Ligjet e kontrollit të eksporteve nuk kërkojnë kufizime të tilla në punësim, thekson ministria.
Padia kërkon të marrë kompensim, përfshirë kompensimin financiar, “për refugjatët që u penguan dhe refuzuan punësimin në SpaceX për shkak të atij diskriminimi të supozuar,” arsyetuan ata.
Tesla, kompania tjetër e Elon Musk, tashmë është paditur nga shteti i Kalifornisë për diskriminim racor në fabrikën e saj në Fremont.
Për më tepër, në dhjetor 2021, gjashtë gra ngritën një padi kundër të njëjtës kompani në Kaliforni, duke akuzuar grupin e prodhimit të makinave elektrike për lejimin e ngacmimeve seksuale./FolDrejt/
