Sipas dëshmitarëve okularë, ushtria izraelite bastisi një vendbanim në jug të qytetit të Jeninit.
Në Bregun Perëndimor të pushtuar nga Izraeli, forcat izraelite shkatërruan strukturat palestineze dhe dëmtuan tokat bujqësore, shkruan AA, transmeton Fol Drejt.
Sipas dëshmitarëve okularë, ushtria izraelite bastisi një vendbanim në jug të qytetit të Jeninit.
Ushtarët izraelitë shkatërruan 9 ndërtesa, 5 prej të cilave ishin shtëpi të palestinezëve, me arsyetimin se ishin “të paautorizuara”.
20-vjeçari palestinez Rafik Riyad Gannam humbi jetën gjatë përleshjeve në bastisjen e forcave izraelite në rajonin në fjalë më 6 korrik.
U dëmtuan tokat bujqësore
Forcat izraelite bastisën gjithashtu rajonin Tarkumiya, afër El-Halilit (Hebron), në jug të Bregut Perëndimor dhe shkatërruan tokat bujqësore.
Ushtarët izraelitë shkulën me buldozerë pemë ulliri në 12 hektarë tokë bujqësore në Tarkumiya.
Qeveria izraelite po shkatërron me forcë shtëpitë palestineze në “zonën C” të Bregut Perëndimor dhe Kudsin Lindor, me arsyetimin se nuk ka “leje ndërtimi”. Palestinezët, nga ana tjetër, ndonjëherë duhet të presin vite për të marrë një “leje zonale”.
Në kuadrin e “Marrëveshjes së Dytë të Oslos” të nënshkruar midis Palestinës dhe Izraelit në vitin 1995, Bregu Perëndimor i pushtuar u nda në zonat A, B dhe C.
Administrimi i “zonës A”, e cila mbulon 18 për qind, iu transferua Palestinës në aspektin administrativ dhe të sigurisë, kontrolli administrativ i “zonës B” prej 21 për qind iu transferua Palestinës dhe siguria e saj iu transferua Izraelit. Ndërkaq, administrimi dhe siguria e “zonës C”, që mbulon 61 për qind të territorit, administrimi iu lanë Izraelit.
Në raportin e publikuar nga organizata joqeveritare palestineze “Soil Studies Center” në tetor 2021, thuhet se Izraeli ka shkatërruar 11.900 shtëpi palestineze në Bregun Perëndimor dhe Kudsin Lindor që nga fillimi i pushtimit në vitin 1967, dhe ka zhvendosur 73 mijë njerëz./FolDrejt/
