Kujtim Gashi është shkarkuar nga pozita e Drejtorit të Përgjithshëm të Agjencisë së Shoqërisë së Informacionit.
Këtë vendim e mori sot Qeveria e Kosovës, gjatë mbledhjes së sotme.
E ministri i Punëve të Brendshme, Xhelal Sveçla theksoi se për këtë rast nuk është paraparë vazhdimi i mandatit.
“Ligji për Shërbimin Civil të Kosovës dhe rregullorja për procedurat e emërimit në pozita të larta drejtuese në shërbimin civil të Kosovës, kanë përcaktuar qartë se emërimi në pozitë të lartë drejtuese bëhet për një mandat 3 vjeçar, pra nuk është paraparë vazhdimi i mandatit të dytë e as të tretë. e qëllim të kthimit të ligjshmërisë kërkoj nga ju që ta aprovoni këtë vendim”, tha Sveçla, ministër i Punëve të Brendshme.
Ndërsa Kryeministri Albin Kurti ka thënë se vazhdimi i mandatit të Gashit ishte i kundërligjshëm./FolDrejt/
