faturave të konsumatorëve të energjisë elektrike, por paralajmërimet për shtrenjtim saj në këtë kohë krizash ekonomike, i ka shqetësuar qytetarët, shkruan Fol Drejt.
Ishte Zyra e Rregullatorit të Energjisë (ZRRE), ajo e cila paralajmëroi se që nga data 1 prill, tarifat e energjisë elektrike të jenë më të larta.
Sipas Agjencisë së Statistikave të Kosovës “Inflacioni mujor i matur nga indeksi i harmonizuar i çmimeve të konsumit ishte 0.9% në muajin janar 2023” ndërsa “norma vjetore e inflacionit e matur në muajin janar 2023 me muajin janar 2022 ishte 12.1%.”
Sipas ASK-së kjo kryesisht është shpjeguar me ngritjen e çmimeve të konsumit te nëngrupet e COICOP-it: perime (10.4%); energji elektrike (3.1%), për muajin janar.
Ndërsa “indeksi i tërësishëm i harmonizuar i çmimeve të konsumit është më i lartë në një mesatare prej 12.1% në vitin 2022, krahasuar me vitin 2021. Kjo kryesisht është shpjeguar me ngritjen e çmimeve të konsumit te nëngrupet e COICOP-it: vajra dhe yndyra (26.0%); bukë dhe drithëra (21.2%); mallra dhe shërbime për mirëmbajtjen e zakonshme të ekonomisë shtëpiake (20.5%); mish (18.9%); sheqer, reçel, mjaltë, çokollatë dhe ëmbëlsira (18.9%); prodhime ushqimore (16.5%); mirëmbajtje dhe rregullim i vendbanimit (16.3%); energji elektrike (15.4%).”
ZRRE PRITET TA MARR VENDIMIN NË MARS
Sipas njoftimeve të fundit, ZRRE lidhur me vlerësimet preliminare për rritjen e tarifave, tashmë ka pranuar komentet nga: Operatorit i Sistemit të Transmisionit të Tregut (KOSTT), Kompania për Distribuim të Energjisë Elektrike (KEDS), Kompania Kosovare për Furnizim me Energji Elektrike (KESCO), Korporata Energjetike e Kosovës (KEK), Zyra e Presidentes dhe Zyra e Kryeministrit.
Pas pranimit të komenteve, ZRRE ndodhet në proces të vlerësimit të tyre dhe pas analizimit, do të publikohet raporti përfundimtar me përgjigje ndaj palëve.
Për rrjedhojë, vendimi përfundimtar për ngritjen ose jo të faturave do të merret në mars.
QYTETARËT E SHQETËSUAR
Pas paralajmërimeve për shtrenjtim të energjisë, qytetarët kanë reaguar në rrjete sociale duke thënë se kjo është e pa drejt, ndërsa ata përballen me një normë inflacioni kaq të lartë prej disa vitesh.
Sipas qytetarit I. Sinani, kostoja e lartë e jetesës nuk iu ka lënë shteg tjetër qytetarëve, vetëm të ikin nga vendi:
“O edhe sivjet sa doni hypne se krejt shpijat thatë kanë me metë në Kosovë edhe 2023 shfrytëzojeni qysh doni bane se vitin e fundit e keni!”
I. Salihu ua ka kujtuar ndërkohë qeverisë dhe ZRRE-së pagat e ulëta të qytetarëve në sektorin privat:
“Shumë i keni rrit rrogat e sektorit privat veç edhe rrymën rritne TURPI SKA FUND!”
Nga Qeveria e Kosovës kanë hezituar ta komentojnë paralajmërimin e ZRRE-së, meqë ende nuk është marr vendimi. Sipas REL ata kanë thënë se “duhet pritur vendimi përfundimtar” i ZRRE-së, për t’u komentuar më pas./FolDrejt/
