Adrien Rabiot, të cilit i skadon kontrata në fund të sezonit, ende nuk ka hyrë në bisedime për vazhdimin e kontratës me Juventusin, duke thënë se “ka ende kohë për ta bërë këtë”, shkruan Goal, përcjell Fol Drejt.
Mesfushori francez përmendi gjithashtu se dëshiron të luajë në Ligën e Kampionëve sezonin e ardhshëm, gjë që mund të çojë në një largim në verë pasi Juventusi është shumë më poshtë katërshes së parë për shkak të zbritjes së 15 pikëve.
“Dua të luaj në Champions League, do të jetë një pikë vendimtare për të marrë një vendim për të ardhmen time”, pranoi Rabiot.
“Nuk ka bisedime të fundit [për një marrëveshje të re me Juventusin], por ne kemi kohë për ta bërë këtë, nuk ka asnjë lajm në këtë fazë”. /FolDrejt/
