Këshilltarja e Ministrit Nenad Rashiç, Rada Trajkoviq, i ka paditur Agjencinë e Inteligjencës së Sigurisë (BIA-n), dhe Ministrinë e Punëve të Brendshme të Serbisë, shkruan Fol Drejt.
Sipas mediave në Beograd, Trajkoviq ka qenë kritike ndaj veprimeve të udhëheqjes politike dhe shtetërore të Serbisë dhe raportit të tyre ndaj realitetit shoqëror, dukurive negative shoqërore dhe të drejtave të individëve. “Për shkak të kësaj, autoritetet publike e ndëshkojnë atë me diskriminim të vazhdueshëm ndaj saj dhe familjarëve të saj” – shkruan Danas.
“Që nga momenti kur opinioni u bë i ditur për veprimet e kundërligjshme të pjesëtarëve të MPB-së dhe BIA-së në ndalimin 24-orësh në qytetin e Merdares në dhjetor të vitit të kaluar dhe pas ngritjes së padisë për mbrojtje nga diskriminimi, çdo kalim të kufirit shtetëror serb nga ajo apo një anëtar i familjes së saj, monitorohet përjashtimi nga linja e pasagjerëve dhe ndalimi gjysmëorësh. Hera e fundit që vajza e saj u përball me një trajtim të tillë të paligjshëm ishte më 23 mars, ndërsa më parë më 3 dhe 4 mars, djali i saj dhe Rada Trajkoviq personalisht, bashkë me Zdenko Tomanoviq, avokati i Rada Trajkoviqit, kryetares së Lëvizjes Evropiane të Serbëve të Kosovës dhe një këshilltar, e përjetuan të njëjtin avaz” – vijon artikulli.
Arsyeja sipas e padisë së Trajkoviqit, buron në atë se autoritetet publike janë bashkuar “dhe secila nga sfera e juridiksionit të tyre në valën e nxitjeve politike, e ekspozon shtetasen e Serbisë, Rada Trajkoviq, në trajtim të pabarabartë dhe trajtim të ndryshëm për shkak të pikëpamjeve të saj politike dhe karakteristikave personale.”/FolDrejt/
