Në mëngjesin e së hënës, para objektit komunal të Zveçanit janë parë edhe kryetari dhe nënkryetari i Listës Serbe, Goran Rakiq dhe Igor Simiq.
Ata kanë qenë prezentë edhe përgjatë javës së kaluar në protesta.
Të dy i kanë bërë thirrje të vazhdueshme pjesëtarëve të KFOR-it që të jenë ata garantuesit e sigurisë në atë pjesë e jo pjesëtarët e Policisë së Kosovës.
Lista Serbe – partia kryesore e serbëve në Kosovë – i ka bojkotuar zgjedhjet e prillit për kryetarë të komunave në veri.
Ajo, po ashtu, u ka bërë thirrje edhe qytetarëve që të mos dalin në zgjedhje, shkruan REL, përcjell Fol Drejt.
