Sali Berisha ka hedhur akuza të rënda në adresë të Kryeministrit Edi Rama. Në seancën e sotme parlamentare, ai ka thënë ndër të tjera se synimi i Ramës ishte t’i ndryshonte kufijtë e Kosovës, shkruan Fol Drejt.
Ish kryeministri Berisha ka thënë se mendimi i tij dhe i vetë Partisë Demokratike është që “Kosova është vend i pavarur dhe me qeveri legjitime dhe se në dialogun e saj me Serbinë, Shqipëria nuk duhet të implikohet dhe përzihet.”
Porse sipas tij nuk ka shqiptar që beson se ka qëllime të tjera, “veçse për të ndihmuar me çdo kusht padronin e tij, argat i të cilit është”, tha Berisha.
“Ndonëse u zhvilluan negociata në Bruksel, mu kërkua që të ndërhy dhe refuzova në mënyrë të prerë se ai nuk ishte në interes të negociatave. Gjithçka ndryshoi me takimin e Ramës ne Beograd. Pas asaj vizite ai u bë një zëdhënës i neveritshëm, avokat i turpshëm i të gjitha projekteve të Serbisë së Madhe me të cilat e vërteta është se u ç’bënë ato suksese që u arritën, përfshi këtu dhe marrëveshjen e përgjithshme. Dolën skenarë që Vuçiçi nuk i shiste dot më parë. Rama e mori me pasion të madh këtë skenar dhe unë ju them shqiptarëve se pas hartave të ndryshimit të kufijve, kishte një qëllim, zhvleftësimin e pavarësisë së Kosovës, dhe ndarjen e saj mes Serbisë dhe Shqipërisë”, shtoi Berisha.
Berisha vijoi argumentimin duke thënë se këtij plani i doli ballë komuniteti ndërkombëtar. Mini – Shengeni, ishte një tjetër ide për ta goditur, sipas tij, qenësinë e Kosovës, sepse në hartën e këtij projekti, “Kosova ishte zhdukur” – tha Berisha./FolDrejt/
