Vetingu ose reforma në drejtësi në Shqipëri vlen si model për vendet tjera të rajonit. Ata kanë marrë nën vëzhgim 800 prokurorë dhe gjyqtarë shqiptarë të cilët dyshohen për korrupcion. Deri tani në mënyrë vullnetare kanë dhënë dorëheqje 19 prokurorë dhe gjyqtarë, shkruan(te) “Der Standard” në qershor të vitit të kaluar.
Megjithatë shumë venda europiane janë akoma skeptike për fillimin e bisedimeve me Shqipërinë për anëtarësim në BE. Mbi të gjitha Franca, por edhe Danimarka dhe Hollanda, përcjell foldrejt.com. Nëse dy të fundit mund të binden për votën pro gjatë samitit të 28 dhe 29 qershorit, është Franca ajo që mund ta bllokojë e vetme.
Presidenti francez Emmanuel Macron mendon të kërkojë që të mos diskutohet tema e zgjerimit për shkak të zgjedhjeve të përgjithshme të BE në 2019, përcjell foldrejt.com. Ai kërkon shumicë të madhe në parlamentin europian, për të mundësuar edhe zbatimin e reformave të tij.
PD lobon kundër Shqipërisë në BE
Kryeministri socialist shqiptar, Edi Rama, ka pak miq partiak në BE, sepse shumica e shteteve të BE-së udhëhiqen nga konservatorët e djathtë. Opozita e vendit, konservatorja PD – siç ndodh zakonisht në BE – uron pasukses për qeverinë dhe lobon kundër fillimit të negociatave me BE. Edhe në partinë e kancelares Angela Merkel CDU/CSU ka persona që janë kundër fillimit të negociatave me Shqipërinë. Por Merkel e ka fjalën e fundit dhe ajo është pro hapjes së negociatave.
Dyshimet kryesore ndaj Shqipërisë janë krimi i organizuar (veçanërisht droga) dhe korrupcioni. Për këtë Shqipëria duhet të luftojë maksimalisht kundër paragjykimeve europiane ndaj saj.
