Kryeministri i Republikës së Shqipërisë – Edi Rama, ka thënë se Kosova duhet ta nënshkruajë dhe zbatojë planin franko-gjerman, pavarësisht nëse ai pranohet apo zbatohet nga Serbia, shkruan Fol Drejt.
“E mira e madhe e Kosovës është të firmos unilateralisht të gjithë marrëveshjen dhe sikur Serbia të mos e dojë kurrë. Pastaj le të ja lërë në dorë BE dhe t’i thotë këto ishin obligimet e planit franko-gjerman, ne i kemi dokumente dhe do i zbatojmë. Nuk na intereson fare se çfarë bën Serbia”, citohet të ketë thënë Rama.
Sipas Kryeministrit Rama, Kosova duhet ta bëjë “paqen me veten e vet”. Madje ai ka thënë se ky është një “oportunitet i artë në tavolinë që Kosova ka në krah të gjithë aleatët që duhet të ketë”, e në anën tjetër “të mbytet me një lugë ujë se çfarë bën e çfarë nuk bën presidenti i Serbisë.”
Sipas tij, këto janë mundësitë e saj të arta, në rrugën e integrimeve euro-atlantike./FolDrejt/
