Kryeministri i Shqipërisë, Edi Rama, gjatë fjalës së tij në Samitin për Ballkanin Perëndimor që po mbahet në Shkup, tha se për tu bërë pjesë e Bashkimit Evropian është sfidë e madhe.
Rama tha se deri në momentin që Bashkimi Evropian të bëjë rajonin pjesë të saj, ky i fundit të bëjë treg të përbashkët.
I pari i Shqipërisë vuri theksin te sfidat dhe përfitimet e Ballkanit Perëndimor për t’u bërë pjesë në Bashkimin Evropian.
“Kjo është sfidë e madhe dhe përfitim i madh nëse duam të bëhemi pjesë e kësaj familje. Nëse duam dhe jemi të gatshëm të sakrifikoni, të jepni diçka prej vetes dhe jo të luani loja. Këtu bëhet fjalë për testin e madh të pjekurisë për ne dhe ne duhet ta kalojmë këtë. Mund ta paramendoni në çfarë pozicioni më të mirë do ishim nëse BE do ishte më serioze në menaxhimin në çështjet e vërteta. Kështu duhej të ishte kur filloi Procesi i Berlinit. Një vit më pas ne filluam me Ballkanin e Hapur”, u shpreh Rama gjatë fjalës së tij.
