Kryeministri Edi Rama ka kryer një intervistë me magazinën më të madhe të Europës, SPIEGEL, kur pika kryesore ishte integrimi i vendit të tij në BE. Sipas Ramës, Shqipëria ka përmbushur të gjitha kushtet, por problemi i fillimit të negociatave qëndron nga “kontraverset e brendshme të BE”.
Duke pasur parasysh këtë, Edi Rama është skeptik ose më saktë “as pesimist as optimist” nëse do çelen negociatat me Shqipërinë në mars.
Në lidhje me një krizë të mundshme demokracie në vend, pas bojkotit të parlamentit nga Partia Demokratike, Rama shprehet se “te ne nuk kemi traditë demokratike dhe se nuk jemi akoma të pjekur për të ushtruar demokracinë.”
Ai shton se Shqipëroa ka qenë një kohë të gjatë e izoluar nga diktatura komunistë dhe se bojkoti parlamentar është një traditë që e ka ushtruar edhe partia e tij.
“Por bojkoti zgjedhor është një tensionim, që kërcënon sistemin demokratik. Kjo duhet të ndalojë,” tha Rama duke shtuar se tani po punon me opozitën për një reformë zgjedhore.
Në lidhje me blerjen e votave dhe akuzave për përfshirje direkt të tij, Rama tha se ka paditur gazetën gjermane BILD, që e para nxori artikullin për shitblerjen e votave në Dibër dhe gjetkë.
Në lidhje me të ardhmen, shefi i qeverisë shqiptare tha se pas pastrimit të gjyqësorit, javëve të ardhshme do fillojë lufta kundër krimit të organizuar, përcjell foldrejt.com.
Në fund Edi Rama ka mbrojtur edhe njëherë ashpërsimin e ligjeve për mediat, që nuk e ka nënshkruar presidenti Ilir Meta, si dhe të ashtuquajturin mini-Shengenin ballkanik, e quajti të drejtë, pasi shmang pritjet e gjata në kufi, dhe se nuk është alternativë e BE./Foldrejt.com
