Komisioni i BE ka bërë publike të martën raportin për shtetet që aspirojnë anëtarësimin në union. Prej të gjithë shteteve të Ballkanit Perëndimor, më shumë është vlerësuar Maqedonia e Veriut, informon foldrejt.com.
Në rastin e Malit të Zi, i cili prej tetë vitesh është kandidate për anëtarësim, nuk përmenden vlera të veçanta të përparimit drejt BE. Por si kërkesë shfaqet depolitizimi dhe profesionalizimi i administratës publike.
Në rastin e Serbisë kritikohet “mungesa e vërtetë e opozitës”, e cila automatikisht shtyje në politizimin e administratës publike, kontrollin e organeve të drejtësisë. Si rast pozitiv në Serbi vlerësohet reformat ekonomikë, ulja e papunësisë, por BE nuk e ka harruar fjalimin me plot elozhe të presidentit serb Aleksandër Vucic për Kinën në rastin e pandemisë Covid19.
Zoran Zaev si i përkëdheluri i BE
Pavarësisht se Maqedonia e Veriut shumë herë ka qenë e dënuar për arsye të tjera nga BE, kësaj here është vlerësuar tej mase në raportin e Komisionit.
“I vetmi shtet i Ballkanit Perëndimor, ku ka shpresë për reformat e fundit është Maqedonia e Veriut,” shkruan media gjermanofone Der Standard, përcjell foldrejt.com.
“Përpjekja për fuqizimin e demokracisë dhe shtetin ligjor është avancuar, veçanërisht me aktivizimin e ndarjes së administratave si dhe diskutimin dhe debatet në çështjet legjislative dhe politike,” shkruan në raportin e Komisionit.
Poashtu në rastin e Maqedonisë së Veriut vlerësohet edhe përparimi në reformat e drejtësisë, lufta kundër korrupcionit, por “duhet të bëhet edhe shumë në dënimin e pastrimit të parave dhe krimit financiar”.
Mungesa e Gjykatësve në Shqipëri
Edhepse me dirigjim nga Europa, Vettingu ka sjell një papreçedent në drejtësinë e vendit, pasi prej kohësh Shqipëria ka mbetur pa gjyqtarë në Gjykatën Kushtetuse, si pasojë e shkarkimeve të shumta që ndodhën.
Rreth 62 gjqytarë janë shkarkuar në Shqipëri, si pasojë e Vettingut.
Si pozitiv në rastin e Shqipërisë vlerësohet lufta kundër krimit të organizuar, por kritike mbetet kërkesa e lartë e azilkërkuesve shqiptarë në portat e BE. Vlerësohet infrastruktura për energji, qarkullim, komunikimin dixhital, si dhe rezultatet e arsimit.
Kosova dhe Bosnja akoma nuk janë shtete kandidate. Në rastin e Kosovës kritikohet që nuk ka punësime me kritere në administratën publike, kurse si prioritet shfaqet reforma në administratë.
Kërkohet një vullnet politik për të luftuar korrupcionin dhe krimin e organizuar. Si pozitiv shfaqet çështja e mediave të lira.
Në Bosnjë kritikohet mos funksionimi i lirë i parlamentit si pasojë e politikave etnike. Si vlerësim shfaqet rasti i Mostarit, ku do votohet përherë të parë pas 12 vjetësh./Foldrejt.com
