Raporti, i përgatitur nga Zyra e Nju Xhersit e Këshillit për Marrëdhëniet Amerikano-Islamike (CAIR-NJ), organizata më e madhe myslimane për të drejtat civile në SHBA, deklaroi se në vitin 2022, ankesat për “diskriminim” në shtet u rritën me 46 për qind krahasuar ndaj vitit të kaluar.
Raporti prej 52 faqesh vuri në dukje se ndërsa kishte 104 ankesa për diskriminim në të gjithë shtetin në vitin 2021, kjo u rrit në 152 në 2022, duke vënë në dukje se kishte një rritje prej 46 për qind të “incidenteve të diskriminimit”.
Në raport, vihet re se kategoria më e madhe e ankesave ishte diskriminimi në mjedisin e punës me 22,4 për qind, i ndjekur nga diskriminimi në punësim dhe aplikimet me 18,4 për qind, ngacmimi ndaj nxënësve myslimanë në shkolla, kurrikulat antimuslimane dhe paragjykimet e mësuesve me 17,8 për qind. .
Autori i raportit është Dyaa Terpstra. Ai deklaroi se ndjenja e hapur anti-muslimane në vend menjëherë pas sulmeve të 11 shtatorit ishte kthyer në një formë më të përhapur të “paragjykimit të fshehtë”, 20 vjet më vonë.
“Kjo është arsyeja pse ne kemi një qasje më proaktive dhe jo reaktive për fuqizimin e muslimanëve amerikanë. Ne shpenzojmë më pak kohë në gjykatë dhe më shumë kohë duke programuar në komunitet dhe duke u angazhuar me zyrtarë qeveritarë në nivel komunal dhe shtetëror,” tha Terpstra.
Në raportin e të drejtave të njeriut të qendrës së Këshillit të Marrëdhënieve Amerikano-Islamike (CAIR) në kryeqytet, të shpallur më 11 prill, thuhet se ankesat e myslimanëve në SHBA janë ulur me 23 për qind në të gjithë vendin në vitin 2022 krahasuar me vitin 2021.
Në raportin e CAIR-it të titulluar “Përparimi nën hijen e paragjykimeve”, theksohej se ndërkohë që në vitin 2021 kishte 6720 ankesa për islamofobinë, paragjykimet dhe diskriminimin në të gjithë vendin, ky numër ka rënë në 5156 në vitin 2022, një rënie prej 23 për qind. /FolDrejt/
