Më shumë se 1,000 fëmijë u rekrutuan dhe u përdorën nga PKK, një organizatë e cilësuar si terroriste në ShBA, Turqi dhe BE, dhe degët e saj SDF dhe YPG në vitin 2022 në Siri, sipas një raporti të OKB-së të parë nga Anadolu, përcjell Fol Drejt.
Raporti vjetor i OKB-së për fëmijët në konflikt të armatosur mbulon periudhën nga janari deri në dhjetor 2022.
Sipas raportit, gjithsej 32 fëmijë deri në moshën 11 vjeç u rekrutuan dhe u përdorën gjithashtu në Irak.
“Jam shumë i shqetësuar nga rekrutimi dhe përdorimi i fëmijëve nga HPG/PKK. Unë u bëj thirrje atyre t’i japin fund rekrutimit dhe përdorimit të fëmijëve dhe të lirojnë të gjithë fëmijët nga radhët e saj,” tha në raport Sekretari i Përgjithshëm i OKB-së Antonio Guterres.
Ka pasur më shumë se 2,438 shkelje të rënda ndaj 2,407 fëmijëve në Siri.
Rreth 1,696 fëmijë në Siri u rekrutuan dhe u përdorën kryesisht nga “SDF/YPG/PKK” dhe grupe të tjera të armatosura dhe aktorë joshtetërorë.
Dega siriane e grupit terrorist PKK, SDF, rekrutoi dhe përdori 637 fëmijë, ndërsa 633 fëmijë u rekrutuan nga YPG/YPJ dhe katër të tjerë nga përbërës të tjerë të SDF. /FolDrejt/
